ΑναζήτησηΕπικοινωνίαTwitterFacebook
Είστε εδώ Αρχική Άρθρα Διάφορα Ντο εν η Ανάπτυξη;

Ντο εν η Ανάπτυξη;

print
email

Νουνίζω και 'κ επορώ να εγροικώ

Τι είναι η Ανάπτυξη;
- Ντο εν η «Ανάπτυξη»; Λές να έν που κόφνε τα παράδας των εριφάντων, ασά μισθούς και ασά συντάξεις; Ή εν ατό το αναθεματισμένο ειδικό τέλος ηλεκτροδοτημένων δομημένων επιφανειών, που αν κι πληρώντσ’ ατό, κόφνε σε το ρεύμα;

Μήπως εν Ανάπτυξη... τα δώρα τι κοσμί που έκοψαν, τη Χριστιανάρ και τη Αναστάσεως; - Ή εν τα μαγαζία που τσουπώνε ίναν ίναν κι αφήνε τα ανθρώπς σον δρόμον;

Μήπως εν Ανάπτυξη... τα χρέη ασά δάνεια που πρέπ να δίεις, για να μη αχπάνε το οσπιτόπο σ', που με χίλια βάσανα επαίρες, αλλά ατώρα έκοψαν το μισθό σ’ και ‘κι πορείς να δίεις την δόσην ατουν;


Ή εν που κόφνε όπου ευρήκνε παράδας, αλλά 'κι πειράζνε ούτε τη δόσην, ούτε τα τόκους ασά δάνεια;


Μήπως εν Ανάπτυξη... που πας να γράφτς φάρμακα και λέγνεσε να πληρώντσ’ ατά ασήν τσέπη σ’; - Ή εν ατό που και σο νοσοκομείον να πας, θα δίεις παράδας να ελέπνε σε οι γιατροί;

Μήπως εν Ανάπτυξη... που οι ανθρώπ πάγνε και μαζεύνε σαπεμένα ασή λαϊκήν και ασά σκουπιδοτενεκέδες, για να τρώγνε; - Ή εν όλιοι ατοίν οι τρανοί και τατηνέτερων οι ανθρώπ, που τρώγνε και πίνε και λογαρίαν καμμίαν 'κι δίνε;

Μήπως εν Ανάπτυξη... τα μοιρολόϊα σα γειτονίας, για ατουνούς που ετσόκεψαν ασό βάρος; - Ή μήπως εν η Τρόϊκα τ’ εμέτερων και η Τρόϊκα τ’ αλληνέτερων, που εφτάει μαύρον την ψυν και τη ζωήν εμουν;


Νουνίζω νουνίζω και 'κ επορώ να εγροικώ! Τσακώνω το κιφάλ' ιμ, αλλά τιδέν πα κ’ εφτάγω...

Εθαρρώ όμως ότι ατέ η «Ανάπτυξη» κ’ εν καλόν πράμα!

 

Μάθε Ποντιακά

Ζαντός - Ο τρελός

https://www.lelevose.gr/inner.php/ajax
Παρακαλώ περιμένετε...

Super Gastronom - Μεγάλη ποικιλία σε Ρώσικα προϊόντα

Αλουμινοκατασκευές - Κουφώματα Αλουμινίου στη Θεσσαλονίκη

Life-Events.gr

Ακουστικά βαρηκοϊας και βοηθήματα

Επισκέπτες Online

Έχουμε online 14 επισκέπτες και 0 μέλη.